သင်၏ဖြစ်ကြောင်းကုန်စင်ကို ဘုရားရှင် သိသည်
ကျွန်မ၏အချစ်ဆုံးသူငယ်ချင်းနှင့်အတူ နေ့လည်စာစားပြီးနောက် အိမ်သို့ ကား မောင်းပြန်ခဲ့စဥ် သူနှင့်မိတ်ဆွေဖြစ်ရခြင်းအတွက် ဘုရားသခင်အား နှုတ်မှဖွင့်ဟကာ ကျေးဇူးတင်ခဲ့မိသည်။ ကိုယ့်ကိုကိုယ်ပင် မကြိုက်သောအရာများ ရှိလျက်ပင် သူက ကျွန်မကို နားလည်ပြီး ချစ်သည်။ ကျွန်မ၏ထူးခြားသောစရိုက်၊ အကျင့်နှင့် အလွဲ အချော်များစသည့် ကျွန်မ၏ပုံစံအမှန်အတိုင်းကို လက်ခံပေးသော လူအနည်းစုထဲမှ တစ်ဦးဖြစ်သည်။ သို့ဖြစ်လျက်ပင် ကျွန်မလူစွမ်းကောင်း လုံးဝမဖြစ်ခဲ့သော အချိန် များ၊ အခြားသူများကို ကျွန်မဝေဖန်အပြစ်မြင်ခဲ့သော၊ မကြင်နာခဲ့သော၊ မခင်မင်တတ်ခဲ့သောအချိန်များစသည်ဖြင့် - သူမနှင့်အခြား ကျွန်မချစ်ခင်နှစ်သက်သူများ အား ပြောပြရန် တွန့်ဆုတ်နေသေးသော ဘဝအကြောင်းများ ရှိနေသေးသည်။
သို့သော် ဘုရားသခင်သည် ကျွန်မဘဝ၏ ဖြစ်ကြောင်းကုန်စင် အားလုံးကို သိပါ သည်။ အကယ်၍ ကျွန်မက အခြားသူများကိုပြောပြရန် တွန့်ဆုတ်နေလျှင်သော်မှ ဘုရားရှင်သည် ကျွန်မပွင့်လင်းစွာ ပြောဆိုနိုင်သော တစ်ဦးတည်းသောသူဖြစ်သည်။
ကျွန်ုပ်တို့ ရင်းနှီးပြီးသားဖြစ်သော ဆာလံကျမ်း အခန်းကြီး…
သမ္မာကျမ်းစာကို ယုံကြည်ကိုးစားခြင်း
ကျော်ကြားသော ဧဝံဂလိတရားဟောဆရာကြီး Billy Graham (ဘီလီဂရေဟမ်) သည် သမ္မာကျမ်းစာ လုံးဝမှန်ကန်သည်ဟု လက်ခံနိုင်ရန် ကြိုးစားခဲ့ရကြောင်း တစ်ခါက ပြန်လည်ပြောပြခဲ့ဖူးသည်။ တစ်ည၌ San Bernardino (ဆန်ဘာနာ ဒီနို) တောင်ရှိ ဆိတ်ငြိမ် ရိပ်သာတွင် လရောင်အောက်ဝယ် သူတစ်ယောက်တည်း လမ်းလျှောက်နေရင်း ဒူးထောက်ချလိုက်ပြီး သူ၏သမ္မာကျမ်းစာကို သစ်ငုတ်ပေါ် တွင် တင်လိုက်ကာ "အိုအဘဘုရားသခင်၊ ဤစာအုပ်ထဲတွင် ကျွန်တော်နားမလည် သောအရာ များစွာရှိပါ၏" ဟု အထစ်ထစ်အငေါ့ငေါ့ဖြင့် ဆုတောင်းခဲ့သည်။
သူ၏ဇဝေဇဝါရှုပ်ထွေးနေမှုကို ဖွင့်ဟဝန်ခံခြင်းဖြင့် နောက်ဆုံးတွင် "အဘ၊ ကျွန်တော်သည် ဤသမ္မာကျမ်းစာကို ကိုယ်တော်၏နှုတ်တော်ထွက်အဖြစ် ယုံကြည် ခြင်းဖြင့် လက်ခံပါတော့မည်" ဟု ဝန်ခံနိုင်အောင် သန့်ရှင်းသောဝိညာဥ်တော်သည် မစလျက် လွတ်မြောက်မှုပေးခဲ့သည်ဟု ဂရေဟမ် ဆိုခဲ့သည်။ သူပြန်ထရပ်ချိန်တွင် သူ့၌မေးခွန်းများစွာ ရှိနေသေးသော်လည်း "ကျွန်တော့်စိတ်ထဲရှိ ဝိညာဥ်ရေးရာ တိုက်ပွဲကို တိုက်ခိုက်အနိုင်ရခဲ့ပြီဖြစ်ကြောင်း…
မျှော်လင့်ခြင်း - ကြောက်ရွံ့မှုအစား ယုံကြည်မှုကို ရွေးချယ်ခြင်း
ကျွန်ုပ်တို့၏ တည်မြဲသောယုံကြည်စိတ်ချရာ
မသေချာမရေရာမှုများ၊ စိုးရိမ်ကြောက်လန့်မှုများနှင့် ပြည့်နေသော ဤလောကကမ္ဘာ၌ ယုံကြည်ခြင်းဟူသောအရာကို သံသယများက တစ်ခါတစ်ရံ လွှမ်းမိုးနေနိုင်ပါသည်။ လူများစွာတို့မှာ အနာဂတ်အတွက် ဝေဝါးသောအမြင်ဖြင့် ဘဝရှင်သန်နေကြရသည်။ ဤစာစောင်ငယ်လေးတွင် ဆရာကြီး Bill Crowder (ဘေလ်ခရောက်ဒါ) က ခရစ်တော်၌သာ တွေ့ရှိနိုင်သောမျှော်လင့်ခြင်းကို အလင်းပေးဖွင့်ပြထားပါသည်။ စိန်ခေါ်မှု အခက်အခဲများကြားမှပင် သင်၏ ယုံကြည်ခြင်းနှင့် ဘုရားသခင်အပေါ် ကိုးစားမှုကို မည်သို့ခိုင်ခံ့စေနိုင်မည်ကို ရှာဖွေကြည့်လိုက်ပါ။
ရှင်သန်သောယုံကြည်ခြင်း
ဆမ်၏အဖေသည် စစ်တပ်အာဏာသိမ်းစဥ်တွင် အသက်လုကာ ထွက်ပြေးခဲ့ရ သည်။ ရုတ်ခြည်း ဝင်ငွေပြတ်လပ်သွား၍ ဆမ်၏မိသားစုသည် သူ့ညီကို အသက် ဆက်ပေးနေသည့် အရေးကြီးသောဆေးဝါးများကို မဝယ်ယူနိုင်တော့ပါ။ ဆမ်သည် ဘုရားရှင်ကို အလွန်ဒေါသထွက်ကာ "ဤအဖြစ်မျိုးခံစားရလောက် အောင် ကျွန်တော်တို့ ဘာများလုပ်ခဲ့မိသလဲ"ဟု တွေးခဲ့မိသည်။
ယေရှုကိုယုံကြည်သူတစ်ဦးက ဆမ်မိသားစု၏ပြဿနာများကို ကြားသိသွားပြီး သူ၌ ဆေးဝယ်ရန် လုံလောက်သောငွေရှိသောကြောင့် သူသည် ဆေးဝယ်ပြီး ဆမ်၏မိသားစုထံသို့ ယူသွားပေးခဲ့သည်။ သူစိမ်းတစ်ဦးထံမှရရှိသော အသက်ကယ် လက်ဆောင်သည် လေးနက်စွာ အကျိုးသက်ရောက်ခဲ့သည်။ "ဒီတနင်္ဂနွေနေ့ကျရင် ဒီလူရဲ့ဘုရားကျောင်းကို သွားတက်ကြရအောင်" ဟု သူ့အမေက အတိအလင်း ပြောခဲ့သည်။ ဆမ်၏ဒေါသလည်း လျော့ပါးလာခဲ့ပြီး နောက်ဆုံးတွင် မိသားစုဝင် အားလုံး တစ်ယောက်ပြီးတစ်ယောက် ယေရှုကိုယုံကြည်လာခဲ့ကြသည်။
ယေရှုခရစ်ကို ယုံကြည်ကြောင်းဝန်ခံမှုနှင်အတူ သိက္ခာသမာဓိရှိသော ဘဝ ရှင်သန်မှုသည် လိုအပ်ကြောင်း ရှင်ယာကုပ်ရေးသားရာ၌ အခြားသူအား ဂရုပြု စောင်မရန်လိုအပ်မှုကို…
အခြားသူများထံ ကျေးဇူးတော်ကို ကမ်းလှမ်းခြင်း
ကျွန်မတို့မမွေးစားမီက ကျွန်မတို့၏သားသည် သူ့ဘဝအစောပိုင်းကို ကလေး ဂေဟာတွင် ကုန်ဆုံးခဲ့သည်။ အပေါ့စားအုတ်များဖြင့် ဆောက်လုပ်ထားသော အဆောင်မှထွက်ခွာပြီး အိမ်သို့အတူမပြန်မီ သူ့ပစ္စည်းများကို သိမ်းရန်ပြောရာ၊ ဝမ်းနည်းစရာပါ။ သူ၌ ပိုင်ဆိုင်ရာတစ်ခုမှမရှိပါ။ သူ့အတွက် ဝယ်လာသော အဝတ်အစားအသစ်များနှင့် သူ့ကို အင်္ကျီလဲဝတ်ပေးလိုက်ပြီး အခြားကလေးများ အတွက်လည်း အဝတ်အစားအချို့ကို ချန်ထားပေးခဲ့သည်။ သူ၌ ဘာမှမရှိ သလောက်ဖြစ်သောကြောင့် ကျွန်မစိတ်မကောင်းဖြစ်ရသော်လည်း ယခုအခါ သူ့အတွက် စိတ်ပိုင်းဆိုင်ရာ၊ ရုပ်ပိုင်းဆိုင်ရာလိုအပ်ချက်ကို ကူညီဖြည့်ဆည်းပေး နိုင်သည့်အတွက် ဝမ်းမြောက်မိပါသည်။
နှစ်အနည်းငယ်အကြာတွင် လိုအပ်နေသောမိသားစုများအတွက် အလှူခံနေသူတစ်ဦးကို ကျွန်မတို့တွေ့ခဲ့သည်။ သားက သူတို့ကိုကူညီရန် သူ၏တိရစ္ဆာန်အရုပ် များနှင့် ငွေအကြွေအနည်းငယ်ကိုလှူဖို့ စိတ်အားထက်သန်နေသည်။ သူ၏ နောက်ကြောင်းအရဆိုလျှင် သူပိုင်ဆိုင်သောပစ္စည်းများကို တင်းကြပ်စွာဆုပ်ကိုင် ထားမည့် သဘောရှိနေနိုင်သည် (ထိုသို့ရှိနေလျှင် သူ့ကို နားလည်ပေးနိုင်ပါသည်)။
သူ၏ရက်ရောစွာတုံ့ပြန်မှု၏အကြောင်းရင်းသည် ကနဦးအသင်းတော် ကဲ့သို့ပင်ဖြစ်သည်ဟု ကျွန်မယူဆချင်ပါသည်။ “ထိုသူအပေါင်းတို့သည် ကြီးသော…
ကျွန်ုပ်တို့ နားမလည်သောအခါ
"ဘုရားရဲ့အကြံအစည်ကိုကျွန်တော်နားမလည်တော့ဘူးဗျာ။ ကျွန်တော့်တစ်ဘဝ လုံးကို သူ့လက်ထဲအပ်နှံခဲ့တယ်။ ပြီးတော့ ဒီလိုတွေဖြစ်နေတယ်" ဟု ကြေးစားအားကစားသမားတစ်ဦးအနေနှင့် အောင်မြင်မှုအိပ်မက် လွဲချော်သွားသောသားက သူ့မိခင်ကို ပြောသောစကားဖြစ်သည်။ ကျွန်ုပ်တို့ထဲတွင် မျှော်လင့်မထားသော စိတ်ပျက်စရာအတွေ့အကြံုများကြောင့် အတွေးထဲ၌ အံ့သြထိတ်လန့်မှုများ၊ မေးခွန်းများနှင့် မကြုံခဲ့ဘူးသူ မည်သူရှိသနည်း။ မိသားစုဝင်တစ်ဦးက မည်သည့် အကြောင်းပြချက်မှမပေးဘဲ အဆက်အသွယ်ဖြတ်ခြင်း၊ ကျန်းမာရေးချို့တဲ့လာ ခြင်း၊ ရုတ်တရက်ကုမ္ပဏီပြောင်းရွှေ့ရခြင်း၊ ဘဝအပြောင်းအလဲဖြစ်စေသော မတော်တဆမှုများ စသည်ဖြင့် ဖြစ်ပျက်နေသည်။
ယောဘဝတ္ထု ၁-၂ တွင် ယောဘအသက်တာ၌ ကြုံတွေ့ခဲ့ရသောအဖြစ်ဆိုးများနှင့် ဆုတ်ယုတ်မှုများအကြောင်းကို မှတ်တမ်းတင်ထားသည်။ လူ့စိတ်ဖြင့် ပြောရလျှင် အခက်အခဲကင်းသောဘဝကို ခံစားရရန် အရည်အချင်းပြည့်မီသူတစ်စုံ တစ်ဦးရှိခဲ့လျှင် ထိုသူမှာ ယောဘပင်ဖြစ်သည်။ "ထိုသူသည် စုံလင် ဖြောင့်မတ်ခြင်း ရှိ၏။ ဘုရားသခင်ကို ကြောက်ရွံ့သောသူ၊ မကောင်းသောအကျင့်ကို ရှောင်သောသူဖြစ်၏"(ယောဘ ၁:၁)။ သို့သော် ဘဝသည် မိမိဖြစ်စေချင်သလို အမြဲမဖြစ်ပါ။ ယောဘအသက်တာ၌…